ვალგუსური დეფორმაცია არის მდგომარეობა, როდესაც ქვედა კიდურების ღერძი შეცვლილია და დგომისას მუხლები ერთმანეთისკენ არის მიმართული, ხოლო ტერფის შემთხვევაში ქუსლი და ტერფი შეიძლება შიგნით გადაიხაროს.
ბავშვობის გარკვეულ ასაკში მსუბუქი ვალგუსური მდგომარეობა ხშირად ფიზიოლოგიური განვითარების ნაწილია და ზრდასთან ერთად შეიძლება თანდათან გამოსწორდეს. ყველა ბავშვს მკურნალობა ან ორთოპედიული ძირი არ სჭირდება.
მშობლებო, სპეციალისტს მიმართეთ, თუ დეფორმაცია მკვეთრად არის გამოხატული, ასიმეტრიულია, პროგრესირებს ან ბავშვს აქვს ტკივილი, სწრაფი დაღლა, კოჭლობა, სიარულის დარღვევა ან ფიზიკური აქტივობის შეზღუდვა.
შეფასებისას მნიშვნელოვანია ბავშვის ასაკის, ქვედა კიდურების ღერძის, ტერფის ფორმისა და სიარულის შეფასება. საჭიროების შემთხვევაში ინიშნება დამატებითი კვლევა. მკურნალობა ინდივიდუალურია და შეიძლება მოიცავდეს დაკვირვებას, შესაბამის ფიზიკურ აქტივობასა და ვარჯიშებს, ხოლო კონკრეტული ჩვენების შემთხვევაში — ორთოპედიულ ან სხვა მკურნალობას.
ავტორი: ირაკლი შელია, MD, PhD — რევმატოლოგი-რეაბილიტოლოგი თბილისში
